இயக்குநர் விக்னேஷ் சிவன் இயக்கத்தில், பிரதீப் ரங்கநாதன் நடிப்பில் உருவாகி வரும் “எல்ஐகே” (Love Insurance Kompany) திரைப்படத்தின் வெளியீட்டுத் தேதி குறித்த புதிய மற்றும் அதிகாரப்பூர்வத் தகவல் வெளியாகியுள்ளது. இந்தப் படம் முதலில் கடந்த ஆண்டு டிசம்பர் மாதத்தில் வெளியாகும் எனப் படக்குழுவினர் அறிவித்திருந்தனர். பின்னர் அது ஒத்திவைக்கப்பட்டு, பிப்ரவரி மாதத்தில் வெளியாகும் என எதிர்பார்க்கப்பட்டது. ஆனால், படத்தின் இறுதிக்கட்டப் பணிகள் நிறைவடையாததால் ரிலீஸ் தேதி மீண்டும் தள்ளிப்போனது. இதனால் படம் தொடர்ந்து ஒத்திவைக்கப்படுவதாகச் சினிமா வட்டாரத்தில் பல்வேறு தகவல்கள் பரவி வந்தன.
இந்நிலையில், ரசிகர்களின் நீண்ட காத்திருப்புக்கு முற்றுப்புள்ளி வைக்கும் விதமாக, வருகிற ஏப்ரல் 3-ஆம் தேதி 'புனித வெள்ளி' (Good Friday) அன்று படம் உலகம் முழுவதும் திரையரங்குகளில் வெளியாகும் என இயக்குநர் விக்னேஷ் சிவன் தனது சமூக வலைதளப் பக்கத்தில் அதிகாரப்பூர்வமாக அறிவித்துள்ளார். இந்தப் படத்திற்கு அனிருத் ரவிச்சந்தர் இசையமைத்துள்ளார். மேலும், கீர்த்தி ஷெட்டி, எஸ்.ஜே. சூர்யா, சீமான், கௌரி கி. கிஷன் உள்ளிட்டோர் முக்கியக் கதாபாத்திரங்களில் நடித்துள்ளனர்.
முன்னதாக “நானும் ரவுடிதான்” மற்றும் “தானா சேர்ந்த கூட்டம்” ஆகிய வெற்றிப் படங்களுக்குப் பிறகு, விக்னேஷ் சிவன் – அனிருத் கூட்டணி மீண்டும் இந்தப் படத்தில் இணைந்துள்ளதால், “எல்ஐகே” படத்தின் மீதான எதிர்பார்ப்பு திரையுலகிலும் ரசிகர்களிடையேயும் பல மடங்கு அதிகரித்துள்ளது.