இயக்குநர் வெற்றிமாறன் மற்றும் நடிகர் சிலம்பரசன் முதல்முறையாக இணைந்துள்ள 'அரசன்' திரைப்படம் குறித்த சுவாரஸ்யமான தகவல்கள் வெளியாகியுள்ளன. வெற்றிமாறனின் புகழ்பெற்ற 'வடசென்னை' திரைப்படத்தின் சினிமாடிக் யுனிவர்ஸை (Cinematic Universe) அடிப்படையாகக் கொண்டு உருவாகும் இந்தப் படத்தில், மக்கள் செல்வன் விஜய் சேதுபதி ஒரு மிக முக்கியமான கதாபாத்திரத்தில் நடித்து வருகிறார். கலைப்புலி எஸ். தாணு தயாரிக்கும் இந்தப் படத்தின் முதற்கட்ட படப்பிடிப்பு மதுரையில் விறுவிறுப்பாக நடைபெற்றது.
மதுரையில் நடந்த படப்பிடிப்பில், சிலம்பரசன் 'மதுரை டைகர்' என்ற பெயரில் ஒரு கபடி வீரராக, அதற்கான பிரத்யேக உடையில் தோன்றி நடித்த காட்சிகள் படமாக்கப்பட்டன. தற்போது படத்தின் அடுத்தகட்ட படப்பிடிப்பு சென்னை மற்றும் அதன் சுற்றுவட்டாரப் பகுதிகளில் மிகத் தீவிரமாக நடைபெற்று வருகிறது. பெரும் எதிர்பார்ப்பை ஏற்படுத்தியுள்ள இந்தப் படம், வரும் 2026-ஆம் ஆண்டின் இறுதிக்குள் திரையரங்குகளில் வெளியாகும் என்று எதிர்பார்க்கப்படுகிறது.