மீண்டும் இணையும் சித்தார்த் திரிஷா ஜோடி

இருவரும் கடந்த 20 ஆண்டுகளுக்கும் மேலாக திரைத்துறையில் செயல்பட்டு வருவதுடன், கதைக்களத்திற்கு முக்கியத்துவம் அளிக்கும் தேர்ந்தெடுத்த படங்களில் மட்டுமே நடிக்கும் அணுகுமுறையால் தனித்துவமான ரசிகர் வட்டத்தை உருவாக்கியுள்ளனர். இவர்களின் கூட்டணி முதன்முதலாக ஆயுத எழுத்து திரைப்படத்தில் அமைந்தது. அதன் பின்னர் தெலுங்கு திரைப்படங்களிலும், மேலும் அரண்மனை 2 படத்திலும் இணைந்து நடித்தனர்.

புதிய படம்

இந்நிலையில், நான்காவது முறையாக இந்த ஹிட் ஜோடி மீண்டும் இணைவதற்கான முயற்சிகள் தீவிரமாக நடைபெற்று வருவதாக கூறப்படுகிறது. இந்த புதிய படம் தெலுங்கில் உருவாகும் என தகவல்கள் வெளியாகியுள்ளன. இதை பிரபல தயாரிப்பாளர் தில் ராஜு தயாரிக்க உள்ளதாகவும், புதுமுக இயக்குநர் ஒருவர் இப்படத்தை இயக்கவுள்ளதாகவும் தகவல்கள் தெரிவிக்கின்றன.

தற்போது இந்த திட்டம் ஆரம்ப கட்ட பேச்சுவார்த்தை நிலையில் இருப்பதாக கூறப்படும் நிலையில், விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. ரசிகர்களிடையே இதற்கான எதிர்பார்ப்பு ஏற்கனவே அதிகரிக்க தொடங்கிவிட்டது.