பாலிவுட்டின் பிரபல நடிகரும் தயாரிப்பாளருமான ரித்தேஷ் தேஷ்முக், மராட்டிய பேரரசர் சத்ரபதி சிவாஜி மகாராஜா அவர்களின் வாழ்க்கையை மையமாகக் கொண்டு ‘ராஜசிவாஜி’ என்ற வரலாற்றுத் திரைப்படத்தை இயக்கியுள்ளார்.
இந்தப் படம் 2026 மே 1ஆம் தேதி திரைக்கு வரவுள்ளதாக தகவல்கள் வெளியாகியுள்ளன. இப்படத்தை ஜெனிலியா தேஷ்முக் மற்றும் ஜோதி தேஷ்பாண்டே (Jio Studios மற்றும் Mumbai Film Company) இணைந்து தயாரிக்கின்றனர். இசையமைப்பை அஜய்–அதுல் மேற்கொண்டுள்ளார்.
கதைக்களம்
மராத்தி மொழியில் பிரம்மாண்டமாக உருவாகும் இந்த திரைப்படம், சிவாஜியின் வீரத்தையும், இந்து சுவராஜ்யத்திற்காக அவர் நடத்திய போராட்டத்தையும் சித்தரிக்கிறது. இப்படத்தில் ரித்தேஷ் தேஷ்முக் தானே சிவாஜி மகாராஜா கதாபாத்திரத்தில் நடித்துள்ளார்.
மேலும் சஞ்சய் தத், அபிஷேக் பச்சன், வித்யா பாலன் உள்ளிட்டோர் முக்கிய வேடங்களில் நடித்துள்ளனர். இதில் அபிஷேக் பச்சன் ‘சாம்ராஜ் சஹாஜி போஸ்லே’ என்ற கதாபாத்திரத்தின் மூலம் முதல் முறையாக மராத்தி சினிமாவில் அறிமுகமாகிறார்.
சிறப்பு தோற்றம்
அதிக கவனம் ஈர்த்துள்ள தகவலாக, நடிகர் சல்மான் கான் இப்படத்தில் சிறப்பு தோற்றத்தில் நடித்துள்ளதாக கூறப்படுகிறது. இந்த தகவலை ரித்தேஷ் தேஷ்முக், அவர் தொகுத்து வழங்கி வரும் பிக் பாஸ் மராத்தி சீசன் 6 நிகழ்ச்சியின் சமீபத்திய எபிசோடில் உறுதிப்படுத்தியுள்ளார்.
வரலாற்று பின்னணியுடன் உருவாகும் ‘ராஜசிவாஜி’ திரைப்படம், ரசிகர்களிடையே பெரிய எதிர்பார்ப்பை ஏற்படுத்தியுள்ளது.