'மேயாத மான்', 'ஆடை' போன்ற வித்தியாசமான படங்களின் மூலம் முத்திரை பதித்த இயக்குநர் ரத்னகுமார், தற்போது '29' என்ற திரைப்படத்தை இயக்கி முடித்துள்ளார். இவர் லோகேஷ் கனகராஜின் 'விக்ரம்', 'லியோ' போன்ற பிரம்மாண்ட படங்களுக்கு வசனம் எழுதியவர் என்பதால், இப்படத்தின் மீது பெரும் எதிர்பார்ப்பு நிலவுகிறது. இப்படத்தை முன்னணி இயக்குநர்கள் கார்த்திக் சுப்பராஜின் 'ஸ்டோன் பெஞ்ச்' மற்றும் லோகேஷ் கனகராஜின் 'ஜி-ஸ்குவாட்' ஆகிய நிறுவனங்கள் இணைந்து தயாரித்துள்ளன.
விது மற்றும் ப்ரீத்தி அஸ்ராணி முதன்மை கதாபாத்திரங்களில் நடித்துள்ள இப்படத்திற்கு ஷான் ரோல்டன் இசையமைத்துள்ளார். மாஸ்டர் மகேந்திரன் உள்ளிட்ட நட்சத்திரங்கள் நடித்துள்ள இப்படத்தின் ரிலீஸ் பணிகள் தீவிரமாக நடைபெற்று வருகின்றன. இந்நிலையில், ரசிகர்களுக்கு விருந்தளிக்கும் வகையில் இப்படத்தின் 'பூ' வீடியோ பாடல் இன்று மாலை 6 மணிக்கு வெளியாகும் என படக்குழு அதிகாரப்பூர்வமாக அறிவித்துள்ளது.