ஐபிசி தமிழ் புரொடக்ஷன் சார்பில் பாஸ்கரன் கந்தையா தயாரிப்பில் உருவாகி வரும் புதிய திரைப்படம், தற்போது இறுதி கட்டப் பணிகளை எட்டியுள்ளது. இயக்குநர் ராஜ் சிவராஜ் இயக்கி வரும் இத்திரைப்படத்திற்கு பூவன் மதீசன் இசையமைக்கிறார். இப்படத்தின் பாடல்கள் ஒவ்வொன்றாக வெளியாகி ரசிகர்கள் மத்தியில் பெரும் வரவேற்பைப் பெற்று வருகின்றன.
குறிப்பாக, இப்படத்தின் இரண்டாவது பாடலான “முத்தக்கண்ணு” அண்மையில் வெளியாகி சமூக வலைதளங்களில் வைரலானது. இதுவரை சுமார் 5 லட்சத்திற்கும் (504k) அதிகமான பார்வைகளைக் கடந்து இப்பாடல் சாதனை படைத்துள்ளது. இதனைத் தொடர்ந்து, ரசிகர்களின் பெரும் எதிர்பார்ப்பிற்கு மத்தியில் இப்படத்தின் மூன்றாவது பாடலான “வீரனே வா” வெளியாகத் தயாராகியுள்ளது.
படக்குழுவின் அறிவிப்பின்படி, இந்த அதிரடிப் பாடல் வரும் ஏப்ரல் 11-ஆம் தேதி அன்று நடைபெறும் “எங்கட பெடியள்” நிகழ்ச்சியில் பிரம்மாண்டமாக வெளியிடப்பட உள்ளது. இப்பாடல் வெளியீட்டைக் குறிக்கும் வகையில் வெளியிடப்பட்டுள்ள புதிய போஸ்டர் தற்போது இணையத்தில் வைரலாகி வருவதோடு, படத்தின் மீதான எதிர்பார்ப்பையும் அதிகரித்துள்ளது.