நடிகர் வெற்றி அதிரடி போலீஸ் அதிகாரியாக நடித்துள்ள 'பரீட்' திரைப்படத்தின் படப்பிடிப்பு பணிகள் முழுமையாக முடிவடைந்துள்ளதாக படக்குழு அறிவித்துள்ளது. 'வெப்' படத்தை இயக்கிய ஹாரூண் இயக்கத்தில் உருவாகியுள்ள இத்திரைப்படத்தில், வெற்றிற்கு ஜோடியாக அக்ஷிதா மற்றும் சாந்தினி தமிழரசன் நடித்துள்ளனர். மேலும் பாலாஜி சக்திவேல், சிங்கம்புலி உள்ளிட்ட பல நட்சத்திரங்கள் இதில் முக்கிய கதாபாத்திரங்களில் நடித்துள்ளனர்.
சவால்களைப் பேசும் காவல்துறை கதைக்களம்
ஒரு என்கவுன்ட்டர் ஸ்பெஷலிஸ்ட் தனது பணிக் காலத்தில் சந்திக்கும் கடுமையான சவால்களையும், அந்தப் பணிச் சூழல் அவரது தனிப்பட்ட குடும்ப வாழ்க்கையில் ஏற்படுத்தும் தாக்கங்களையும் இத்திரைப்படம் விரிவாகப் பேசுகிறது. ஜான் ராபின்ஸ் இசையமைப்பில் உருவாகியுள்ள இப்படத்தை ட்ரீம் ஹவுஸ் மற்றும் ஜெயின் கிரியேஷன்ஸ் நிறுவனங்கள் இணைந்து தயாரித்துள்ளன.
இறுதிக்கட்டப் பணிகள் தீவிரம்
படப்பிடிப்பு முடிவடைந்ததைத் தொடர்ந்து, தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகின்றன. விரைவில் இப்படத்தின் டீசர் மற்றும் ரிலீஸ் தேதி குறித்த அறிவிப்புகள் வெளியாகும் என எதிர்பார்க்கப்படுகிறது.