பொங்கலுக்கு வெளியான பராசக்தி
இயக்குனர் சுதா கொங்கரா இயக்கத்தில் சிவகார்த்திகேயன், ரவி மோகன், அதர்வா, ஸ்ரீ லீலா உள்ளிட்டோர் நடித்த பராசக்தி திரைப்படம் பொங்கலை முன்னிட்டு வெளியானது. சிவகார்த்திகேயனின் 25வது படமாக உருவான இந்த படம், 1960களில் தமிழ்நாட்டில் நடந்த இந்தி திணிப்பு எதிர்ப்பு மாணவர் போராட்டத்தை மையமாகக் கொண்டு உருவாக்கப்பட்டது.
சென்சார் திருத்தங்களுடன் வெளியீடு
படத்தை பார்த்த சென்சார் குழு பல காட்சிகளில் கட்டுகள் மற்றும் மியூட் திருத்தங்களை பரிந்துரைத்ததாக கூறப்படுகிறது. திருத்தங்கள் இல்லாமல் வெளியிட முயற்சி செய்யப்பட்டாலும், வெளியீட்டு தாமதம் ஏற்படும் என்பதால் சென்சார் கூறிய மாற்றங்களுடன் படம் திரையரங்குகளில் வெளியிடப்பட்டது. ஆனால் லண்டன் உள்ளிட்ட சில வெளிநாடுகளில் இந்த திருத்தங்கள் இல்லாமல் படம் வெளியானதாக தகவல் வெளியாகியுள்ளது.
கலவையான விமர்சனம் – வசூலில் சாதனை
திரையரங்குகளில் படம் கலவையான விமர்சனங்களை பெற்றாலும், தயாரிப்பு நிறுவனம் தெரிவித்த தகவலின்படி படம் ரூ.100 கோடி வசூலை கடந்ததாக கூறப்படுகிறது.
ஓடிடியில் நல்ல வரவேற்பு
பிப்ரவரி 7ஆம் தேதி ஜீ5 ஓடிடி தளத்தில் வெளியான இந்த படம், வெளியான சில நாட்களிலேயே ஒரு கோடி நிமிடங்களுக்கு மேல் ஸ்ட்ரீமிங் செய்யப்பட்டதாக தகவல் வெளியாகியுள்ளது.
அன் கட் பதிப்பு வெளியாக வாய்ப்பு
இந்த வரவேற்பைத் தொடர்ந்து, தணிக்கையில் நீக்கப்பட்ட காட்சிகளுடன் அன் கட் பதிப்பை விரைவில் ஓடிடியில் வெளியிட படக்குழு திட்டமிட்டு வருவதாக கூறப்படுகிறது. இந்த பதிப்பு வெளியானால் படம் மீண்டும் பேசுபொருளாகும் என எதிர்பார்க்கப்படுகிறது.