சமீபத்தில் சமூக வலைதளங்களில் பரவிய தகவலுக்கு நடிகர் நாகர்ஜூனா விளக்கம் அளித்துள்ளார். இந்தியில் வெளியான துரந்தர் திரைப்படத்தில் நடித்த வாய்ப்பை அவர் நிராகரித்ததாக வெளியான செய்திகள் உண்மையல்ல என்று தெரிவித்துள்ளார்.
‘துரந்தர்’ வாய்ப்பு வரவே இல்லை
துரந்தர் படத்தில் நடித்த ரஹ்மான் தகாய்த் கதாபாத்திரத்திற்கு முதலில் நாகர்ஜூனாவை அணுகியதாக கூறப்பட்ட நிலையில், அந்த வாய்ப்பு தனக்கு வரவே இல்லை என அவர் தெளிவுபடுத்தினார். படம் வெற்றி பெற்றதை பாராட்டியும், அதில் நடித்த அனைவரும் சிறப்பாக செயல்பட்டதாகவும் அவர் குறிப்பிட்டார்.
இயக்குநருக்கு பாராட்டு
இந்த படத்தை இயக்கிய ஆதித்ய தார் குறித்து நாகர்ஜூனா பாராட்டு தெரிவித்தார். அவரின் முந்தைய படமான Uri: The Surgical Strike தனக்கு மிகவும் பிடித்ததாகவும் கூறினார்.
அடுத்த பாகத்திற்கான எதிர்பார்ப்பு
துரந்தர் திரைப்படம் ரசிகர்களிடையே நல்ல வரவேற்பைப் பெற்றுள்ளதாக கூறிய நாகர்ஜூனா, படத்தின் அடுத்த பாகம் வந்தால் அதை பார்க்க ஆவலுடன் காத்திருக்கிறேன் என்றும் தெரிவித்துள்ளார்.