தென்னிந்திய நடிகர் சங்கக் கட்டிடப் பணிகள் பல ஆண்டுகளாகத் தொய்வடைந்து வந்த நிலையில், அக்கட்டிடத்திலேயே தனது திருமணம் நடைபெறும் என்று நடிகர் விஷால் சபதம் ஏற்றிருந்தார். இடையில் நடிகை சாய் தன்ஷிகாவுடன் அவருக்கு நிச்சயதார்த்தம் முடிந்து, கடந்த ஆண்டு ஆகஸ்ட் அல்லது அக்டோபர் மாதமே திருமணம் நடக்கும் என எதிர்பார்க்கப்பட்டது. ஆனால், கட்டிடப் பணிகள் முழுமையடையாததால் திருமணத் தேதி தள்ளிப்போய்க்கொண்டே இருந்தது.
ரசிகர்கள் எதிர்பார்ப்பு
தற்போது நடிகர் சங்கக் கட்டிடத் திறப்பு விழா எப்போது என்ற கேள்விக்கு, "மார்ச் மாதம் திறக்க அதிக வாய்ப்புள்ளது" என விஷால் பதிலளித்துள்ளார். இதனால் மார்ச் அல்லது ஏப்ரல் மாதத்தில் விஷால் - சாய் தன்ஷிகா திருமணம் கோலாகலமாக அரங்கேறும் என ரசிகர்கள் உற்சாகமடைந்துள்ளனர். நீண்ட காலக் கனவான கட்டிடத் திறப்புடன், விஷாலின் திருமணச் செய்தியும் இணைந்து வெளியாக உள்ளதால் சினிமா வட்டாரத்தில் பரபரப்பு தொற்றிக்கொண்டுள்ளது.