முன்னதாக கார்த்தி – பாண்டிராஜ் கூட்டணியில், குடும்பம் மற்றும் கிராமத்து வாழ்க்கையை மையமாகக் கொண்ட "கடைக்குட்டி சிங்கம்" திரைப்படம் வணிகரீதியாகவும் நல்ல வரவேற்பைப் பெற்ற வெற்றிப்படமாக அமைந்தது. மேலும் இப்படம் பாக்ஸ் ஆபீஸில் 70 கோடி வசூலித்து வெற்றி பெற்றது குறிப்பிடத்தக்கது.
கிராமத்து பின்னணியில் புதிய படம்
புதிய படமும் அதேபோல் கிராமத்து பின்னணியிலான கமர்ஷியல் திரைப்படமாக உருவாகும் என எதிர்பார்க்கப்படுகிறது. குடும்ப உணர்வுகள், உறவுகள் மற்றும் சமூகச் செய்தியுடன் கூடிய கதை அமைப்பாக இருக்கும் எனத் தகவல்கள் தெரிவிக்கின்றன.
தயாரிப்பு – 2டி என்டர்டெயின்மென்ட்
இந்தப் படத்தை நடிகர் சூர்யா உடைய 2டி என்டர்டெயின்மென்ட் நிறுவனம் தயாரிக்க உள்ளதாக கூறப்படுகிறது. இதற்கு முன் “கடைகுட்டி சிங்கம்” படத்தையும் இதே நிறுவனம் தயாரித்திருந்தது குறிப்பிடத்தக்கது.
கார்த்தியின் சமீபத்திய படங்கள்
நடிகர் கார்த்தி நடித்த சமீபத்திய படம் "வா வாத்தியார்", எதிர்பார்த்த அளவில் வெற்றி பெறவில்லை. இந்த படத்தை நலன் குமாரசாமி இயக்கியிருந்தார். இதற்கிடையில், கார்த்தி தற்போது சர்தார்- 2, மார்ஷல் உள்ளிட்ட படங்களில் நடித்து வருவது குறிப்பிடத்தக்கது.
ஆரம்ப கட்ட பணிகள் தொடக்கம்
பாண்டிராஜ் இயக்கும் இந்த புதிய படத்தின் ஆரம்ப கட்ட பணிகள் தற்போது தொடங்கியுள்ளதாக தகவல்கள் வெளியாகியுள்ளன. விரைவில் நடிகர், நடிகைகள் மற்றும் தொழில்நுட்பக் குழுவினரின் விவரங்கள் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.