காதலர் தினத்தை முன்னிட்டு தமிழ் சினிமாவின் மறக்க முடியாத மூன்று காதல் திரைப்படங்கள் மீண்டும் திரையரங்குகளில் வெளியாக உள்ளன. மௌனம் பேசியதே, மின்னலே, காதலர் தினம் ஆகிய படங்கள் பல ஆண்டுகளுக்குப் பிறகு ரீ-ரிலீஸாக இருப்பதால் ரசிகர்கள் மத்தியில் பெரும் எதிர்பார்ப்பு உருவாகியுள்ளது. காதலின் பல்வேறு உணர்வுகளை பதிவு செய்த இந்த திரைப்படங்கள், புதிய தலைமுறைக்கும் பழைய நினைவுகளை மீண்டும் தரவுள்ளதாக ரசிகர்கள் எதிர்நோக்குகின்றனர்.
‘மின்னலே’ – 25 ஆண்டுகள் கடந்தும் மின்னும் காதல்
2001ஆம் ஆண்டு வெளியான மின்னலே திரைப்படம், நடிகர் மாதவன் மற்றும் ரீமா சென் நடித்த காதல் திரைப்படமாக ரசிகர்களிடம் பெரும் வரவேற்பைப் பெற்றது. கவுதம் வாசுதேவ் மேனன் இயக்கத்தில் வெளியான இந்த படம், இசையமைப்பாளர் ஹாரிஸ் ஜெயராஜின் இசையாலும் இன்றளவும் ரசிகர்களின் மனதில் நிலைத்திருக்கிறது.
திரைப்படம் வெளியானது 25 ஆண்டுகளை முன்னிட்டு, மின்னலே திரைப்படம் பிப்ரவரி 13, 2026 அன்று மீண்டும் திரையரங்குகளில் ரீ-ரிலீஸாகிறது. காதலர் தினத்தை முன்னிட்டு இந்த அறிவிப்பு ரசிகர்களிடையே உற்சாகத்தை ஏற்படுத்தியுள்ளது.
‘மௌனம் பேசியதே’ – 24 ஆண்டுகளுக்கு பிறகு மீண்டும் திரையில்
2002ஆம் ஆண்டு வெளியான மௌனம் பேசியதே திரைப்படம், நடிகர் சூர்யா மற்றும் திரிஷா நடித்த உணர்ச்சிமிக்க காதல் கதையாக ரசிகர்களின் மனதை கவர்ந்தது. அமீர் இயக்கத்தில் உருவான இந்த படம், நட்பு மற்றும் காதலின் நுணுக்கமான உணர்வுகளை பேசும் வகையில் அமைந்திருந்தது.
இத்திரைப்படம் 24 ஆண்டுகளுக்குப் பிறகு, பிப்ரவரி 13, 2026 அன்று மீண்டும் திரையரங்குகளில் வெளியாகிறது. இன்றைய இளம் ரசிகர்களும் இந்த படத்தை பெரிய திரையில் காண ஆவலுடன் காத்திருக்கின்றனர்.
‘காதலர் தினம்’ – 27 ஆண்டுகள் கடந்த காதல் நினைவுகள்
1999ஆம் ஆண்டு வெளியான காதலர் தினம் திரைப்படம், குனால் மற்றும் சோனாலி பென்றே நடித்த காதல் படமாக அப்போது இளைஞர்களிடையே பெரும் வரவேற்பைப் பெற்றது. ஏ.ஆர். ரஹ்மானின் இசை இந்த படத்தின் முக்கிய பலமாக அமைந்தது.
27 ஆண்டுகளுக்குப் பிறகு, இந்த திரைப்படம் பிப்ரவரி 14, 2026 அன்று மீண்டும் திரையரங்குகளில் வெளியாகிறது. காதலர் தினத்தன்று வெளியாகும் இந்த படம், ரசிகர்களுக்கு பழைய நினைவுகளை மீண்டும் நினைவூட்டும் வகையில் இருக்கும் என எதிர்பார்க்கப்படுகிறது.
காதலர் தினத்தில் காதல் படங்களின் கொண்டாட்டம்
காதலர் தினத்தை முன்னிட்டு மூன்று காலத்தையும் கடந்து ரசிகர்களின் மனதில் இடம்பிடித்த காதல் திரைப்படங்கள் ஒரே நேரத்தில் ரீ-ரிலீஸாகுவது தமிழ் சினிமா ரசிகர்களுக்கு சிறப்பான அனுபவமாக அமைந்துள்ளது. பழைய காதல் கதைகளை புதிய தலைமுறை பெரிய திரையில் அனுபவிக்கும் வாய்ப்பாக இந்த ரீ-ரிலீஸ் பார்க்கப்படுகிறது.
திரையரங்குகளில் மீண்டும் ஒலிக்க உள்ள இந்த காதல் கதைகள், காதலின் இனிய நினைவுகளை மீண்டும் உயிர்ப்பிக்கும் என ரசிகர்கள் நம்பிக்கை தெரிவித்து வருகின்றனர்.