சமீபகாலமாக, 1990-கள் மற்றும் 2000-களில் வெளியாகி மாபெரும் வெற்றி பெற்ற திரைப்படங்களைத் நவீன டிஜிட்டல் தொழில்நுட்பத்தில் மெருகேற்றி (Digital Remastering) மீண்டும் வெளியிடும் கலாச்சாரம் திரையுலகில் அதிகரித்து வருகிறது. அந்த வகையில், ரஜினிகாந்தின் 'படையப்பா' மற்றும் விஜய்யின் 'கில்லி' ஆகிய திரைப்படங்கள் சமீபத்தில் மறுவெளியீடு செய்யப்பட்டு, ரசிகர்களிடையே பெரும் வரவேற்பைப் பெற்றதுடன் வசூலிலும் புதிய சாதனைகளைப் படைத்தன.
அந்தப் வரிசையில், இயக்குனர் பேரரசு இயக்கத்தில் விஜய் நடிப்பில் வெளியாகி வசூல் வேட்டை நடத்திய 'சிவகாசி' திரைப்படமும் தற்போது டிஜிட்டல் முறையில் புதுப்பிக்கப்பட்டு மீண்டும் திரையரங்குகளில் வெளியாக உள்ளது. கடந்த 2005-ஆம் ஆண்டு வெளியான இத்திரைப்படத்தில் அசின், பிரகாஷ் ராஜ், கஞ்சா கருப்பு மற்றும் வெங்கட் பிரபு உள்ளிட்டோர் முக்கிய கதாபாத்திரங்களில் நடித்திருந்தனர். ஸ்ரீகாந்த் தேவா இசையில் இந்தப் படத்தின் பாடல்கள் அனைத்தும் பட்டிதொட்டியெங்கும் ஹிட் அடித்தன.
படக்குழுவின் அதிகாரப்பூர்வ அறிவிப்பின்படி, 'சிவகாசி' திரைப்படம் வருகிற ஏப்ரல் 24-ஆம் தேதி மீண்டும் திரையரங்குகளில் பிரம்மாண்டமாக வெளியாக உள்ளது. விஜய்யின் அரசியல் வருகைக்குப் பிறகு அவரது பழைய ஹிட் படங்கள் மீண்டும் வெளியாவது, அவரது ரசிகர்களிடையே பெரும் உற்சாகத்தையும் எதிர்பார்ப்பையும் ஏற்படுத்தியுள்ளது.