தமிழ்நாடு மின் உற்பத்தி மற்றும் பகிர்மான கழகம், மாநிலம் முழுவதும் தடையற்ற மின்சாரத்தை வழங்குவதற்காகத் துணை மின் நிலையங்களில் அவ்வப்போது மாதாந்திர பராமரிப்பு பணிகளை மேற்கொண்டு வருகிறது. இந்த பணிகளின் போது மின் சாதனங்களைப் பழுதுபார்த்தல் மற்றும் சீரமைக்கும் பணிகள் நடைபெறுவதால், குறிப்பிட்ட நேரத்திற்கு மின் விநியோகம் நிறுத்தப்படுவது வழக்கமாகும். அந்த வகையில், நாளை ஏப்ரல் 29-ம் தேதி புதன்கிழமை அன்று தமிழகத்தின் பல்வேறு பகுதிகளில் பராமரிப்பு பணிகள் திட்டமிடப்பட்டுள்ளன. இதற்கான அதிகாரப்பூர்வ அறிவிப்பை மின்சார வாரியம் தற்போது வெளியிட்டுள்ளது.
சென்னையில் மின்தடை ஏற்படும் இடங்கள்
சென்னை மாவட்டத்தைப் பொறுத்தவரை, சிட்கோ திருமலைவாயல் துணை மின் நிலையத்திற்கு உட்பட்ட பகுதிகளில் நாளை (29-04-2026) காலை 9 மணி முதல் மாலை 4 மணி வரை மின்சாரம் துண்டிக்கப்படும் என அறிவிக்கப்பட்டுள்ளது. அதன்படி வெள்ளனூர், கொள்ளுமேடு, மகளிர் ஐ.இ., போத்தூர், லட்சுமிபுரம், பம்மத்துக்குளம், கோனிமேடு, ஈஸ்வரன் நகர், எல்லம்மன்பேட்டை ஆகிய பகுதிகளில் மின்சாரம் இருக்காது. மேலும் டி.எச்.ரோடு, எடப்பாளையம் ரோடு, கன்னடபாளையம், காட்டூர், அரிக்கம்பேடு மற்றும் காந்தி நகர் ஆகிய இடங்களிலும் பராமரிப்பு பணிகள் மேற்கொள்ளப்பட உள்ளன. மாலை 4 மணிக்கு மேல் பணிகள் முடிந்தவுடன் மின் விநியோகம் மீண்டும் வழக்கம்போல் சீராகும். இந்தப் பணிகளுக்குப் பொதுமக்கள் உரிய ஒத்துழைப்பு வழங்க வேண்டும் என்று மின்சார வாரியம் கேட்டுக் கொண்டுள்ளது.