இந்தப் போட்டியில் உலகின் முன்னணி 16 அணிகள் நான்கு பிரிவுகளாகப் பிரிக்கப்பட்டு லீக் முறையில் மோதின.
ஏ பிரிவில் இடம்பெற்றிருந்த இந்திய பெண்கள் அணி, தனது கடைசி லீக் ஆட்டத்தில் 16 முறை சாம்பியனான சீன அணியை எதிர்கொண்டது. இந்தப் போட்டியில் ஆரம்பத்திலிருந்தே ஆதிக்கம் செலுத்திய சீனா, இந்திய அணிக்கு எந்த வாய்ப்பும் வழங்காமல் 5-0 என்ற கணக்கில் முழுமையாக வெற்றி பெற்றது.
இந்தத் தோல்வியால் இந்திய அணி புள்ளிப் பட்டியலில் மூன்றாவது இடத்துக்கு தள்ளப்பட்டது. இதன் காரணமாக காலிறுதி சுற்றுக்கு முன்னேறும் வாய்ப்பை இழந்து போட்டியிலிருந்து வெளியேறியது.
இந்த வெளியேற்றம், சமீப காலங்களில் முன்னேற்றம் காட்டி வந்த இந்திய பெண்கள் பேட்மிண்டன் அணிக்கு பின்னடைவை ஏற்படுத்தியுள்ளது.