2021-ஆம் ஆண்டு நடைபெற்ற கேரளா சட்டமன்றத் தேர்தலில் போட்டியிட்ட பல முக்கிய அரசியல் தலைவர்கள் தற்போது நம்மிடையே இல்லை. இவர்களில் முதன்மையானவர் முன்னாள் முதல்வர் உம்மன் சாண்டி. புதுப்பள்ளி தொகுதியில் 63,372 வாக்குகள் பெற்று வெற்றி பெற்ற அவர், மறைவிற்குப் பிறகு நடந்த இடைத்தேர்தலில் அவரது மகன் சாண்டி உம்மன் அதே தொகுதியில் வெற்றி பெற்றார். இதேபோல், திருக்காக்கரை தொகுதியில் 14,320 வாக்குகள் வித்தியாசத்தில் வெற்றி பெற்ற காங்கிரஸ் தலைவர் பி.டி. தாமஸ் 2021 டிசம்பரில் காலமானார். அவரைத் தொடர்ந்து அவரது மனைவி உமா தாமஸ் இடைத்தேர்தலில் வெற்றி பெற்று தற்போது எம்.எல்.ஏ-வாக உள்ளார்.
பீர்மேடு தொகுதியில் சிபிஐ சார்பில் போட்டியிட்டு வெற்றி பெற்ற வாழூர் சோமன், கடந்த 2025 ஆகஸ்ட் 21 அன்று தனது 72-வது வயதில் காலமானார். வெற்றி பெற்றவர்கள் மட்டுமின்றி, அத்தேர்தலில் போட்டியிட்ட சில முக்கிய வேட்பாளர்களும் மறைந்துள்ளனர். நிலம்பூர் தொகுதியில் போட்டியிட்ட யுடிஎப் வேட்பாளர் வி.வி. பிரகாஷ், தேர்தல் முடிவுகள் வருவதற்கு முன்பே (ஏப்ரல் 2021) மாரடைப்பால் காலமானார். கண்ணூர் தொகுதியில் போட்டியிட்ட சதீசன் பாச்சோனி மற்றும் அடூர் தொகுதி யுடிஎப் வேட்பாளர் எம்.ஜி. கண்ணன் ஆகியோரும் அண்மைக் காலங்களில் மறைந்த முக்கியப் பிரமுகர்கள் ஆவர். இவர்களின் மறைவு கேரள அரசியலில் ஒரு பெரிய வெற்றிடத்தை ஏற்படுத்தியுள்ளது.