தமிழக சட்டமன்றத் தேர்தல் வரும் ஏப்ரல் 23-ம் தேதி நடைபெற உள்ள நிலையில், அரசியல் களம் சூடுபிடித்துள்ளது. திமுக கூட்டணியில் இடம்பெற்றுள்ள விடுதலைச் சிறுத்தைகள் கட்சிக்கு 8 தொகுதிகள் ஒதுக்கப்பட்டுள்ளன. இதில் தேனி மாவட்டத்தின் பெரியகுளம் தனித் தொகுதியில் போட்டியிடும் விசிக வேட்பாளர் கதிர்வேலை ஆதரித்து அக்கட்சியின் தலைவர் தொல். திருமாவளவன் தீவிர வாக்குச் சேகரிப்பில் ஈடுபட்டார். முன்னாள் முதல்வர் ஓ. பன்னீர்செல்வத்துடன் இணைந்து பிரசார வாகனத்தில் சென்றபடி அவர் பானை சின்னத்திற்கு ஆதரவு திரட்டினார்.
பிரசாரத்தின் போது திருமாவளவனைப் பார்க்க ஏராளமான தொண்டர்கள் திரண்டிருந்தனர். அப்போது உற்சாகமடைந்த தொண்டர் ஒருவர், பிரசார வாகனத்தின் மீது ஏறி திருமாவளவனுடன் செல்ஃபி எடுக்க முயன்றார். இதனால் ஆத்திரமடைந்த திருமாவளவன், அந்தத் தொண்டரின் கன்னத்தில் அறைந்தார். கூட்ட நெரிசலில் தொண்டர்களை ஒழுங்குபடுத்த முயன்றபோது இந்தச் சம்பவம் அரங்கேறியது. திருமாவளவன் தொண்டரை அறைந்த வீடியோ சமூக வலைதளங்களில் வெளியாகிப் பெரும் விவாதத்தையும் பரபரப்பையும் ஏற்படுத்தியுள்ளது.