தமிழகச் சட்டமன்றத் தேர்தலில் அதிமுக தலைமையிலான கூட்டணியில் இடம்பெற்றுள்ள பாரதிய ஜனதா கட்சியின் 27 தொகுதிகளுக்கான வேட்பாளர் பட்டியல் இன்று அதிகாரப்பூர்வமாக வெளியிடப்பட்டுள்ளது. வரும் ஏப்ரல் 23-ஆம் தேதி தேர்தல் நடைபெறவுள்ள நிலையில், முக்கியத் தலைவர்கள் பலருக்குப் போட்டியிட வாய்ப்பு வழங்கப்பட்டுள்ளது. அதே சமயம், மாநிலத் தலைவர் அண்ணாமலை இத்தேர்தலில் போட்டியிடவில்லை என்பது குறிப்பிடத்தக்கது. கடந்த முறை 20 இடங்களில் போட்டியிட்ட பாஜக, இம்முறை 27 தொகுதிகளில் களம் காண்கிறது.
பாஜக வெளியிட்டுள்ள பட்டியலின்படி, முன்னாள் ஆளுநர் தமிழிசை சௌந்தரராஜன் மயிலாப்பூர் தொகுதியிலும், மத்திய அமைச்சர் எல்.முருகன் அவிநாசி (தனி) தொகுதியிலும் போட்டியிடுகின்றனர். நயினார் நாகேந்திரன் சாத்தூர் தொகுதியிலும், வானதி சீனிவாசன் கோவை வடக்கு தொகுதியிலும் வேட்பாளர்களாக அறிவிக்கப்பட்டுள்ளனர். மேலும், காங்கிரஸ் கட்சியிலிருந்து விலகி பாஜகவில் இணைந்த விஜயதரணிக்கு விளவங்கோடு தொகுதி ஒதுக்கப்பட்டுள்ளது.
தமிழக பாஜக வேட்பாளர்களின் முழு விவரம்:
- ஆவடி - ராஜசிம்ம மஹிந்திரா (எ) அஸ்வின் குமார்
- மயிலாப்பூர் - தமிழிசை சவுந்தர்ராஜன்
- தளி - நாகேஷ் குமார்
- திருவண்ணாமலை - ஏழுமலை
- ராசிபுரம் (தனி) - பிரேம்குமார்
- மொடக்குறிச்சி - கிருத்திகா சிவகுமார்
- உதகமண்டலம் - போஜராஜன்
- அவிநாசி (தனி) - எல்.முருகன்
- திருப்பூர் தெற்கு - தங்கராஜ்
- கோவை வடக்கு - வானதி சீனிவாசன்
- திருவாரூர் - கோவி. சந்துரு
- தஞ்சாவூர் - முருகானந்தம்
- கந்தர்வக்கோட்டை (தனி) - உதயகுமார்
- புதுக்கோட்டை - ராமச்சந்திரன்
- அறந்தாங்கி - கவிதா ஸ்ரீகாந்த்
- திருப்பத்தூர் - திருமாறன்
- மானாமதுரை (தனி) - பால கணபதி
- மதுரை தெற்கு - ராம ஸ்ரீநிவாசன்
- சாத்தூர் - நயினார் நாகேந்திரன்
- ராமநாதபுரம் - நாகேந்திரன்
- திருச்செந்தூர் - ராதாகிருஷ்ணன்
- வாசுதேவநல்லூர் (தனி) - ஆனந்தன் ஐயாசாமி
- ராதாபுரம் - பாலகிருஷ்ணன்
- நாகர்கோவில் - காந்தி
- குளச்சல் - சிவக்குமார்
- பத்மநாபபுரம் - ரமேஷ்
- விளவங்கோடு - விஜயதரணி